ພະແນກບໍລິຫານວິຊາການ
ເຜີຍແຜ່ເມື່ອ ວັນພຸດ, 28 ກັນຍາ 2022
ພາລະບົດບາດ
ພະແນກບໍລິຫານວິຊາການ ມີພາລະບົດບາດເປັນເສນາທິການໃຫ້ແກ່ຄະນະບໍດີ ໃນການວາງແຜນການຈັດຕັ້ງການຮຽນ-ການສອນ, ການຄຸ້ມຄອງ ແລະການພັດທະນາຫຼັກສູດລະດັບປະລິນຍາຕີ ເພື່ອຍົກລະດັບຄຸນນະພາບທາງດ້ານວິຊາການໃຫ້ດີຂຶ້ນ, ທັງເປັນຜູ້ປະສານງານລະຫວ່າງຄະນະບໍດີກັບພາກວິຊາ ແລະ ພາກສ່ວນທີ່ກ່ຽວຂ້ອງ ເພື່ອພ້ອມກັນປະຕິບັດໜ້າທີ່ດ້ານວິຊາການຂອງຄະນະໃຫ້ມີປະສິດທິພາບ, ປະສິດທິຜົນ ແລະເປັນທີ່ພໍໃຈຂອງຜູ້ມາຮັບບໍລິການ.
ໜ້າທີ່
- ເປັນເສນາທິການດ້ານວິຊາການໃຫ້ແກ່ຄະນະບໍດີ.
- ປະສານງານດ້ານວິຊາການກັບພາກສ່ວນທີ່ກ່ຽວຂ້ອງ ເພື່ອຍົກລະດັບຄຸນນະພາບການຮຽນ-ການສອນໃຫ້ທັນກັບສະພາບການປ່ຽນແປງຂອງສັງຄົມ.
- ວາງແຜນ, ຕິດຕາມກວດກາ,ຄຸ້ມຄອງ ແລະ ພັດທະນາ ການປະຕິບັດຫຼັກສູດ ເປັນຕົ້ນແມ່ນ ການຈັດຕັ້ງການຮຽນ-ການສອນປະຈໍາພາກຮຽນ, ການຝຶກຫັດວິຊາຊີບຄູ, ການຂຽນບົດໂຄງການ ແລະ ການສອບເສັງຈົບຊັ້ນໃນລະດັບປະລິນຍາຕີ.
- ເກັບກຳ ແຜນການສອນ, ປຶ້ມປະກອບການຮຽນ-ການສອນຊັ້ນຕ່າງໆ, ຊົ່ວໂມງສອນຂອງອາຈານພາຍໃນ ແລະອາຈານຮັບເຊີນ.
- ຄຸ້ມຄອງຖານຂໍ້ມູນດ້ານວິຊາການ ເຊັ່ນ: ການລົງທະບຽນ, ສະຖິຕິ, ຜົນການຮຽນ, ຂໍ້ມູນວຸດທິບັດ ແລະ ການຢັ້ງຢືນຜົນງານດ້ານວິຊາການຂອງນັກສຶກສາ.
- ວາງແຜນ, ຕິດຕາມ, ຄຸ້ມຄອງ ແລະ ສົ່ງເສີມການສຶກສາຮຽນຮ່ວມ.