ພາກວິຊາຄູຈິດຕະວິທະຍາການສຶກສາ
ພາລະບົດບາດ
- ສ້າງນັກສຶກສາຄູຈິດຕະວິທະຍາການສຶກສາໃນລະດັບປະລິນຍາຕີໃຫ້ມີຄຸນນະພາບເພື່ອໄປສິດສອນໃນສະຖາບັນສ້າງຄູແຫ່ງຕ່າງໆ ໃນທົ່ວປະເທດ.
- ສ້າງນັກສຶກສາຄູຈິດຕະວິທະຍາການສຶກສາໃຫ້ມີຄວາມສາມາດເພື່ອໄປເຮັດໜ້າທີ່ໃນການຊ່ວຍເຫຼືອສັງຄົມ, ເຮັດໜ້າທີ່ຊ່ວຍແພດໃນການຊ່ວຍເຫຼືອຄົນທີ່ມີບັນຫາທາງດ້ານຈິດໃຈ.
- ສ້າງນັກສຶກສາຄູຈິດຕະວິທະຍາການສຶກສາໃຫ້ມີຄວາມສາມາດເພື່ອໄປເຮັດໜ້າທີ່ຊ່ວຍຜູ້ບໍລິຫານໃນການຈັດລະບົບງານບໍລິຫານໂຮງຮຽນ, ຫ້ອງການຕ່າງໆ ວຽກງານພັດທະນາຊຸມຊົນ.
- ສ້າງນັກສຶກສາຄູຈິດຕະວິທະຍາການສຶກສາໃຫ້ມີຄຸນນະທໍາ, ຈາລິຍະທໍາ, ມີຄວາມຮັບຜິດຊອບຕໍ່ສັງຄົມ, ມີນໍ້າໃຈຮັກຊາດ, ປົກປັກຮັກສາ ແລະ ເສີມຂະຫຍາຍວັດທະນະທໍາ, ຮີດຄອງປະເພນີອັນດີງາມຂອງຊາດລາວໃຫ້ຍືນຍົງ ແລະ ສີວິໄລເປັນທີ່ເອກອ້າງຕໍ່ບັນດາປະເທດຕ່າງໆ.
ໜ້າທີ່
1) ຈັດຕັ້ງການຮຽນ-ການສອນ ແລະ ຝຶກອົບຮົມ
- ຈັດຕັ້ງຂະຫຍາຍແຜນຍຸດທະສາດຂອງຄະນະສຶກສາສາດ, ມະຫາວິທະຍາໄລແຫ່ງຊາດ ແລະ ມະຕິຄໍາສັ່ງຂອງຂັ້ນເທິງ.
- ຈັດຕັ້ງສຶກສາອົບຮົມດ້ານແນວຄິດ-ການເມືອງ, ຄຸນສົມບັດ ແລະ ລະບຽບກົດໝາຍ ແກ່ຄູ-ອາຈານ ແລະ ນັກສຶກສາພາຍໃນພາກວິຊາຄູຈິດຕະວິທະຍາການສຶກສາໃຫ້ສອດຄ່ອງກັບ 3 ລັກສະນະ ແລະ 5 ຫຼັກມຸນການສຶກສາຂອງຊາດ.
- ຈັດຕັ້ງ, ຕິດຕາມກວດກາ ແລະ ປະເມີນຜົນການຮຽນ-ການສອນໄປຕາມຫຼັກສູດສາຂາຄູຈິດຕະວິທະຍາການສຶກສາ ໃນລະດັບປະລິນຍາຕີ .
- ຈັດຕັ້ງການຮຽນ-ການສອນວິຊາຄູ ແລະ ວິຊາຈິດຕະວິທະຍາຕາມຫຼັກສູດໃຫ້ແກ່ນັກສຶກສາສາຂາຕ່າງໆໃນຄະນະສຶກສາສາດ.
- ຊຸກຍູ້, ສົ່ງເສີມຄູ-ອາຈານຜະລິດຊື່ການຮຽນ-ການສອນ.
- ຄຸ້ມຄອງ ແລະ ຊຸກຍູ້ນັກສຶກສາໃນຂະບວນການຮຽນ-ການສອນ, ການປະຕິບັດລະບຽບຂອງນັກສຶກສາຄະນະສຶກສາສາດກໍຄືມະຫາວິທະຍາໄລແຫ່ງຊາດ ແລະກົດໝາຍຕ່າງໆ ໂດຍສົມທົບກັບພາກສ່ວນອື່ນໆ ທີ່ກ່ຽວຂ້ອງ.
- ຈັດຕັ້ງການຮ່ວມໂມງສອນ ແລະ ຖອດຖອນບົດຮຽນ.
- ຈັດຕັ້ງຝຶກອົບຮົມກ່ຽວກັບການຈັດການຮຽນ-ການສອນໃຫ້ຄູ-ອາຈານ.
- ປະເມີນ ແລະ ປັບປຸງຫຼັກສູດການຮຽນ-ການສອນໃນແຕ່ລະໄລຍະຕາມແຜນພັດທະນາດ້ານວິຊາການຂອງຄະນະສຶກສາສາດ.
- ສ້າງ ແລະ ພັດທະນາຫຼັກສູດໃຫ້ສອດຄ່ອງກັບຄວາມຕ້ອງການຂອງສັງຄົມ.
2) ຈັດຕັ້ງຄົ້ນຄວ້າວິທະຍາສາດ
- ຊຸກຍູ້, ສົ່ງເສີມໃຫ້ຄູ-ອາຈານເຮັດການຄົ້ນຄວ້າວິທະຍາສາດໃນຫ້ອງຮຽນ.
- ຈັດຕັ້ງຄົ້ນຄວ້າວິທະຍາສາດ, ພັດທະນານະວັດຕະກໍາ, ເຕັກນິກ ແລະ ວິທີສິດສອນ.
- ເຜີຍແຜ່ ແລະ ນໍາໃຊ້ຜົນສໍາເລັດຂອງການຄົ້ນຄວ້າວິທະຍາສາດ, ການນໍາໃຊ້ນະວັດຕະກໍາເຂົ້າໃນການປັບປຸງຄຸນນະພາບການຮຽນ-ການສອນ.
3) ບໍລິການສັງຄົມ
- ສອນວິຊາຈິດຕະວິທະຍາທົ່ວໄປໃຫ້ແກ່ນັກສຶກສາໃນຄະນະຕ່າງໆ ທີ່ຂຶ້ນກັບມະຫາວິທະຍາໄລແຫ່ງຊາດແລະວິທະຍາໄລຕ່າງໆ ນັບທັງພາກລັດ-ເອກະຊົນ.
-ດໍາເນີນການສອນເຝິກອົບຮົມວິຊາຄູໃຫ້ແກ່ຂະແໜ່ງການຕ່າງໆທັງພາກລັດ-ເອກະຊົນທີ່ຕ້ອງການຢາກເປັນຄູຕາມການມອບໝາຍຂອງພະແນກຄົ້ນຄວ້າວິທະຍາສາດ ແລະ ບໍລິການວິຊາການ.
-ເຮັດໜ້າທີ່ໃຫ້ບໍລິການຂໍ້ມູນຂ່າວສານດ້ານການສຶກສາ ແລະ ອາຊີບ ໃຫ້ແກ່ນັກຮຽນສາມັນ ຕາມຫຼັກສູດຂອງລາຍວິຊາ ບໍລິການຂໍ້ມູນຂ່າວສານດ້ານຈິດຕະວິທະຍາ.
- ໃຫ້ການບໍລິການປຶກສາທາງວິຊາຄູແລະຈິດຕະວິທະຍາໃຫ້ແກ່ສັງຄົມໃນຂະແໜ່ງການຕ່າງໆ ທີ່ກ່ຽວຂ້ອງກັບອາຊີບຄູ.
4) ປົກປັກຮັກສາ ແລະ ສົ່ງເສີມສິລະປະ-ວັດທະນະທໍາຂອງຊາດ
- ສົ່ງເສີມໃຫ້ຄູ-ອາຈານ ແລະ ນັກສຶກສາຂອງພາກວິຊາຄູຈິດຕະວິທະຍາການສຶກສາໃຫ້ມີສ່ວນຮ່ວມ .
- ຢ່າງຕັ້ງໜ້າໃນການອະນຸຮັກ, ສົ່ງເສີມສີລະປະ-ວັດທະນະທໍາ ແລະ ຮີດຄອງປະເພນີອັນດີງາມຂອງຊາດ ແລະຂອງບັນດາເຜົ່າຢ່າງຕັ້ງໜ້າ.
- ຈັດກິດຈະກໍາສົ່ງເສີມ ແລະ ເຜີຍແຜ່ສີລະປະ-ວັດທະນາທໍາ, ຮີດຄອງປະເພນີອັນດີງາມຂອງຊາດ ແລະ ຂອງປະຊາຊົນບັນດາເຜົ່າໃຫ້ກ້ວາງຂວາງ.
- ຮັບເອົາ ແລະ ສົ່ງເສີມສີລະປະ-ວັດທະນະນທໍາອັນດີງາມ ແລະ ກ້າວໜ້າຂອງໂລກຢ່າງມີການເລືອກເຟັ້ນ.