ໂຮງຮຽນມັດທະຍົມສຶກສາສົມບູນສາທິດ

ພາລະບົດບາດ 

ໂຮງຮຽນມັດທະຍົມສຶກສາສົມບູນສາທິດ (ຂຽນຫຍໍ້ວ່າ “ມສ. ສາທິດ”) ມີທີ່ຕັ້ງຢູ່ວິທະຍາເຂດດົງໂດກນະຄອນຫຼວງວຽງຈັນເປັນໂຮງຮຽນໜຶ່ງທີ່ສັງກັດໃນໂຄງປະກອບການຈັດຕັ້ງຂອງຄະນະສຶກສາສາດມະຫາວິທະຍາໄລແຫ່ງຊາດ. ມີພາລະບົດບາດໃນການສຶກສາອົບຮົມນັກຮຽນຕາມ 3 ລັກສະນະ ແລະ 5 ຫຼັກມູນຂອງການສຶກສາ ແນໃສ່ພັດທະນະຊັບພະຍາກອນມະນຸດໃຫ້ມີຄຸນນະພາບ ແລະ ປະລິມານເພື່ອສະໜອງໃຫ້ແກ່ການພັດທະນາເສດຖະກິດ-ສັງຄົມໃຫ້ກ້າວໄປຕາມທິດຊີ້ນຳຂອງຂັ້ນເທິງ.

ໜ້າທີ່

• ຈັດຕັ້ງປະຕິບັດແນວທາງນະໂຍບາຍການສຶກສາຂອງພັກ ແລະ ແຜນພັດທະນາຊັບພະຍາກອນມະນຸດຂອງກະຊວງສຶກສາທິການ ແລະ ກີລາ.
• ສຶກສາອົບຮົມແນວຄິດການເມືອງຂອງພະນັກງານ, ຄູ ແລະ ນັກຮຽນໃຫ້ມີຄຸນສົມບັດສິນທໍາປະຕິວັດ, ມີນໍ້າໃຈຮັກຊາດ, ຮັກລະບອບປະຊາທິປະໄຕປະຊາຊົນເພື່ອຕອບສະໜອງຄວາມຮຽກຮ້ອງຕ້ອງການຂອງພາລະກິດປົກປັກຮັກສາ ແລະ ສ້າງສາປະເທດຊາດ.
• ວາງແຜນພັດທະນາ ແລະ ຄຸ້ມຄອງໂຮງຮຽນໃຫ້ມີປະສິດທິພາບ ແລະ ປະສິດທິຜົນ.
• ຈັດຕັ້ງການຮຽນ-ການສອນຕາມຫຼັກສູດທີ່ກະຊວງສຶກສາທິການ ແລະ ກີລາວາງອອກແລະຫຼັກສູດທ້ອງຖິ່ນທີ່ກ່ຽວຂ້ອງ.
• ຮັບເອົານັກຮຽນເຂົ້າຮຽນຕາມລະບຽບຫຼັກການທີ່ກະຊວງສຶກສາທິການ ແລະ ກີລາໄດ້ກໍານົດໄວ້.
• ຄຸ້ມຄອງແລະພັດທະນາບຸກຄະລາກອນໃຫ້ມີຄວາມຮູ້ຄວາມສາມາດ ແລະ ທັກສະໃນການຮຽນການສອນ.
• ພັດທະນາ ແລະ ຜະລິດສື່ການຮຽນ-ການສອນເພີ່ມເຕີມ ໃຫ້ສອດຄ່ອງກັບສະພາບຕົວຈິງ.
• ປະຕິບັດນະໂຍບາຍແລະສະຫວັດດີການ, ຍ້ອງຍໍເພື່ອສ້າງກໍາລັງໃຈໃຫ້ແກ່ຄູ ແລະ ນັກຮຽນ ຕາມລະບຽບ.
• ສະຫຼຸບ ແລະ ລາຍງານວຽກງານຕ່າງໆຂອງໂຮງຮຽນໃຫ້ແກ່ຫ້ອງການສຶກສາທິການ ແລະ ກີລາເມືອງ, ເທດສະບານ, ພະແນກສຶກສາທິການ ແລະ ກີລາແຂວງ, ນະຄອນຫຼວງ ແລະ ການຈັດຕັ້ງທີ່ກ່ຽວຂ້ອງ.
• ປົກປັກຮັກສາຊັບສົມບັດແລະສິ່ງແວດລ້ອມຂອງໂຮງຮຽນ.
• ອອກໃບຢັ້ງຢືນ ແລະ ປຶ້ມຕິດຕາມການຮຽນໃຫ້ແກ່ນັກຮຽນພ້ອມທັງອອກເອກະສານທາງການຕ່າງໆໃຫ້ແກ່ພະນັກງານຄູ ແລະ ນັກຮຽນພາຍໃນໂຮງຮຽນ.
• ປະຕິບັດໜ້າທີ່ອື່ນໆຕາມການມອບໝາຍຂອງຂັ້ນເທິງ.