ພາກວິຊາຄູວິທະຍາສາດທຳມະຊາດ
ພາລະບົບບາດ
ພາກວິຊາຄູວິທະຍາສາດທໍາມະຊາດ ຂຶ້ນກັບຄະນະສຶກສາສາດ ມະຫາວິທະຍາໄລແຫ່ງຊາດຕັ້ງຢູ່ວິທະຍາເຂດດົງໂດກນະຄອນຫຼວງວຽງຈັນ ເຊິ່ງເປັນພາກວິຊາໜຶ່ງໃນ 6 ພາກວິຊາທີ່ຂຶ້ນກັບຄະນະສຶກສາສາດ ມີພາລະບົດບາດໃນການຈັດຕັ້ງການຮຽນ-ການສອນ (ໃນສາຂາວິຊາຄູ) ຄູຄະນິດສາດ, ຄູຟີຊິກສາດ, ຄູເຄມີສາດ, ຄູຊີວະສາດ ແລະສາຂາຄອມພີວເຕີ ເພື່ອກໍ່ສ້າງນັກວິຊາການ ແລະ ນັກຄົ້ນຄວ້າວິທະຍາສາດ ໄປພ້ອມກັບການອະນຸລັກໃນການສົ່ງເສີມສິລະປະວັດທະນະທໍາອັນດີງາມຂອງຊາດກໍ່ຄືປະຊາ ຊົນບັນດາເຜົ່າ ແລະ ໃຫ້ການບໍລິການແກ່ສັງຄົມ ໂດຍພາຍໃຕ້ການຊີ້ນໍາຂອງຄະນະບໍດີ ຄະນະສຶກສາສາດ ມະຫາວິທະຍາໄລແຫ່ງຊາດ.
ໜ້າທີ່
1) ຈັດຕັ້ງການຮຽນ-ການສອນ ແລະ ສຶກສາອົບຮົມ
- ຈັດຕັ້ງການຜັນຂະຫຍາຍແຜ່ນການຍຸດທະສາດຂອງຄະນະສຶກສາສາດ, ມະຫາວິທະຍາໄລແຫ່ງຊາດ ແລະ ມະຕິຄໍາສັ່ງຂອງຂັ້ນເທິງ.
- ຈັດຕັ້ງສຶກສາອົບຮົມແນວຄິດ-ການເມືອງ, ຄຸນສົມບັດ ແລະ ລະບຽບກົດໝາຍ ແກ່ຄູອາຈານ ແລະ ນັກສຶກສາ ພາຍໃນພາກວິຊາຄູວິທະຍາສາດທໍາມະຊາດ ໃຫ້ສອດຄ່ອງກັບ 3 ລັກສະນະ ແລະ 5 ຫຼັກມູນການສຶກສາຂອງຊາດ.
- ຈັດຕັ້ງ, ຕິດຕາມການກວດກາ, ປະເມີນການຮຽນ-ການສອນໄປຕາມຫຼັກສູດ.
- ຊຸກຍູ້ ສົ່ງເສີມ ຄູ-ອາຈານ ຜະລິດສື່ການຮຽນ-ການສອນ.
- ຈັດຕັ້ງການຮ່ວມໂມງສອນ ແລະ ຖອດຖອນບົດຮຽນ.
- ຈັດຕັ້ງເຝິກອົບຮົມກ່ຽວກັບການຈັດການຮຽນ-ການສອນ, ວິທີສອນໃຫ້ຄູອາຈານ.
- ວາງແຜນການ ແຜນງານໂຄງການກ່ຽວກັບວຽກງານວິິຊາການ ແລະ ກິດຈະກໍາການຕ່າງໆ.
- ປະເມີນ ແລະ ປັບປຸງຫຼັກສູດການຮຽນ-ການສອນໃນແຕ່ລະໄລຍະຕາມແຜນພັດທະນາດ້ານວິຊາການຂອງ
- ຄະນະສຶກສາສາດ.
- ສ້າງ ແລະ ພັດທະນາຫຼັກສູດໃຫ້ສອດຄ່ອງກັບຄວາມຕ້ອງການຂອງສັງຄົມ.
2) ຈັດຕັ້ງຄົ້ນຄວ້າວິທະຍາສາດ
- ຊຸກຍູ້ ສົ່ງເສີມໃຫ້ແກ່ຄູອາຈານ ເຮັດການຄົ້ນຄວ້າວິທະຍາສາດໃນຫ້ອງຮຽນ.
- ຈັດຕັ້ງຄົ້ນຄວ້າວິທະຍາສາດ ແລະ ພັດທະນາວັດຕະນາກໍາການຮຽນ-ການສອນ.
- ເຜີຍແຜ່ ແລະ ນໍາຜົນສໍາເລັດຂອງການຄົ້ນຄວ້າວິທະຍາສາດ, ການນໍາໃຊ້ນະວັດຕະກໍາເຂົ້າໃນການປັງປຸງຄຸນນະພາບການຮຽນ-ການສອນ.
3) ບໍລິຫານວິຊາການໃຫແກ່ສັງຄົມ
ສົ່ງເສີມພະນັກງານຄູ-ອາຈານ ໃຫ້ການບໍລິຫານວິຊາການໃຫ້ແກ່ສັງຄົມ.
4) ປົກປັກຮັກສາ ແລະ ສົ່ງເສີມສິລະປະ-ວັດທະນະທໍາຂອງຊາດ
- ສົ່ງສີມໃຫ້ຄູອາຈານ ແລະ ນັກສຶກສາ ຂອງພາກວິຊາຄູວິທະຍາສາດ ໃຫ້ມີສ່ວນຮ່ວມຢ່າງຕັ້ງໜ້າໃນການອານຸຮັກ, ສົ່ງເສີມ ແລະ ສົ່ງເສີມສິລະປະ ແລະ ວັດທະນາທໍາ, ຮີດຄອງປະເພນີອັນດີງາມຂອງຊາດ ແລະ ຂອງປະຊາຊົນບັນດາເຜົ່າ ໃຫ້ກວ້າງຂວາງ.
- ຮັບເອົາ ແລະ ສົ່ງເສີມສິລະປະ-ວັດທະນາທໍາອັນດີງາມ ແລະ ກ້າວໜ້າຂອງໂລກຢ່າງມີການເລືອກເຟັ້ນ.