ພາກວິຊາຄູວິທະຍາສາດສັງຄົມ
ພາລະບົດບາດ
ພາກວິຊາຄູວິທະຍາສາດສັງຄົມ ມີພາລະບົດບາດໃນການຈັດຕັ້ງການຮຽນ-ການສອນ ສາຂາວິຊາຄູ ວິທະຍາສາດການເມືອງ, ຄູປະຫວັດສາດ ແລະ ຄູພູມສາດ ໃນລະດັບປະລິນຍາຕີສຶກສາສາດ ເພື່ອໄປສິດສອນຢູ່ໂຮງຮຽນມັດທະຍົມສຶກສາທັງຕອນຕົ້ນ ແລະ ຕອນປາຍ. ນອກຈາກນັ້ນຍັງເນັ້ນການສ້າງໃຫ້ນັກສຶກສາມີຄຸນນະທໍາ, ຈາຣິຍະທໍາ, ມີຄວາມຮັບຜິດຊອບຕໍ່ສັງຄົມ, ມີນ້ຳໃຈຮັກຊາດ-ຮັກລະບອບປະຊາທິປະໄຕປະຊາຊົນ, ປົກປັກຮັກສາ ແລະ ເສີມຂະຫຍາຍວັດທະນະທໍາອັນດີງາມຂອງຊາດ ກໍຄືຂອງປະຊາຊົນລາວບັນດາເຜົ່າ.
ໜ້າທີ່
1) ຈັດຕັ້ງການຮຽນ-ການສອນ ແລະ ສຶກສາອົບຮົົມ
- ຈັດຕັ້ງການຜັນຂະຫຍາຍແຜນຍຸດທະສາດຂອງຄະນະສຶກສາສາດ, ມະຫາວິທະຍາໄລແຫ່ງຊາດ ແລະ ມະຕິຄໍາສັ່ງຂອງຂັ້ນເທິງ.
- ຈັດຕັ້ງສຶກສາອົບຮົມດ້ານແນວຄິດ-ການເມືອງ, ຄຸນສົມບັດ ແລະ ລະບຽບກົດໝາຍ ແກ່ຄູອາຈານ ແລະ ນັກສຶກສາ ພາຍໃນພາກວິຊາຄູວິທະຍາສາດສັງຄົມ ໃຫ້ສອດຄ່ອງກັບ 3 ລັກສະນະ ແລະ 5 ຫຼັກມູນການສຶກສາຂອງຊາດ.
- ຈັດຕັ້ງຕິດຕາມ, ກວດກາ, ປະເມີນຜົນການຮຽນ-ການສອນ ໄປຕາມຫຼັກສູດ ສາຂາຄູ ວິທະຍາສາດການເມືອງ, ສາຂາຄູ ປະຫວັດສາດ ແລະ ສາຂາຄູ ພູມີສາດ ໃນລະດັບປະລິນຍາຕີ ທັງປົກກະຕິ ແລະ ຕໍ່ເນື່ອງ.
- ຊຸກຍູ້ສົ່ງເສີມຄູ-ອາຈານຜະລິດສື່ການຮຽນ-ການສອນ.
- ຈັດຕັ້ງຮ່ວມໂມງສອນ ແລະ ຖອດຖອນບົດຮຽນ ຕາມແຕ່ລະສາຂາວິຊາ.
- ຈັດຕັ້ງເຝິກອົບຮົມກ່ຽວກັບການຈັດການຮຽນ-ການສອນໃຫ້ຄູ-ອາຈານ.
- ວາງແຜນງານ, ໂຄງການກ່ຽວກັບວຽກງານວິຊາການ ແລະ ກິດຈະກໍາຕ່າງໆ.
- ປະເມີນ ແລະ ປັບປຸງຫຼັກສູດການຮຽນ-ການສອນໃນແຕ່ລະໄລຍະ ຕາມແຜນພັດທະນາດ້ານວິຊາການຂອງຄະນະສຶກສາສາດ.
- ສ້າງ ແລະ ພັດທະນາຫຼັກສູດໃຫ້ສອດຄ່ອງກັບຄວາມຕ້ອງການຂອງສັງຄົມ.
2) ຈັດຕັ້ງຄົ້ນຄວ້າວິທະຍາສາດ
- ຊຸກຍູ້ ສົ່ງເສີມ ຄູ-ອາຈານ ເຮັດການຄົ້ນຄວ້າວິທະຍາສາດໃນຫ້ອງຮຽນ.
- ຈັດຕັ້ງຄົ້ນຄວ້າວິທະຍາສາດ ແລະ ພັດທະນານະວັດຕະກໍາການຮຽນ-ການສອນ.
- ເຜີຍແຜ່ ແລະ ນໍາໃຊ້ຜົນສໍາເລັດຂອງການຄົ້ນຄວ້າວິທະຍາສາດ ທີ່ມີປະໂຫຍດເຂົ້າໃນການປັບປຸງຄຸນນະພາບການຮຽນ-ການສອນ.
3) ບໍລິການວິຊາການໃຫ້ແກ່ສັງຄົມ
ສົ່ງເສີມພະນັກງານຄູ-ອາຈານ ໃຫ້ການບໍລິການທາງດ້ານວິຊາການໃຫ້ແກ່ສັງຄົມ
4) ປົກປັກຮັກສາ ແລະ ສົ່ງເສີມສິລະປະ-ວັດທະນະທໍາຂອງຊາດ
- ສົ່ງເສີມໃຫ້ຄູອາຈານ ແລະ ນັກສຶກສາ ຂອງພາກວິຊາຄູວິທະຍາສາດສັງຄົມ ໃຫ້ມີສ່ວນຮ່ວມຢ່າງຕັ້ງໜ້າ ໃນການອານຸຮັກ, ສົ່ງເສີມສີລະປະ-ວັດທະນະທໍາ ແລະ ຮີດຄອງປະເພນີອັນດີງາມຂອງຊາດ ແລະ ຂອງບັນດາເຜົ່າຢ່າງຕັ້ງໜ້າ.
- ຈັດກິດຈະກໍາສົ່ງເສີມ ແລະ ເຜີຍແຜ່ສິລະປະ-ວັດທະນະທໍາ, ຮີດຄອງປະເພນີອັນດີງາມຂອງຊາດ ແລະ ຂອງປະຊາຊົນບັນດາເຜົ່າ ໃຫ້ກວ້າງຂວາງ.
- ຮັບເອົາ ແລະ ສົ່ງເສີມສິລະປະ-ວັດທະນະທໍາອັນດີງາມ ແລະ ກ້າວໜ້າຂອງໂລກຢ່າງມີການເລືອກເຟັ້ນ.