ພະແນກການເງິນ ແລະ ຊັບສິນ

ເຜີຍແຜ່ເມື່ອ ວັນພຸດ, 28 ກັນຍາ 2022

ພາລະບົດບາດ

ພະແນກການເງິນ-ຊັບສິນມີສຳນັກງານຕັ້ງຢູ່ຄະນະສຶກສາສາດຕຶກສຳນັກຄະນະບໍດີ ມີບົດບາດເປັນເສນາທິການໃຫ້ແກ່ຄະນະບໍດີ ໃນການຄົ້ນຄວ້າສັງລວມຕົວເລກງົບປະມານ, ສ້າງແຜນງົບປະມານໄລຍະສັ້ນ, ໄລຍະຍາວຂອງຄະນະສຶກສາສາດໃນແຕ່ລະໄລຍະ, ຄຸ້ມຄອງລາຍຮັບ-ລາຍຈ່າຍ ງົບປະມານຈາກທຸກແຫຼ່ງທຶນ, ການຄຸ້ມຄອງຊັບສິນ, ການປະມູນຈັດຊື້ຈັດຈ້າງ, ຂຶ້ນແຜນງົບປະມານບຳລຸງຮັກສາຊັບສົມບັດຂອງຄະນະ ແລະ ຂຶ້ນແຜນຊື້ອຸປະກອນຮັບໃຊ້ການຮຽນ-ການສອນ ດ້ວຍທຶນຂອງລັດ, ຂອງຄະນະສຶກສາສາດ ເພື່ອໃຫ້ສອດຄ່ອງຕາມນະໂຍບາຍ, ກົດໝາຍ, ດຳລັດ, ຂໍ້ກຳນົດ, ກົດລະບຽບຕ່າງໆ ຂອງ ປສສ ລາວ.

ໜ້າທີ່

ສັງລວມ ສ້າງແຜນງົບປະມານ ໄລຍະສັ້ນ, ໄລຍະກາງ, ໄລຍະຍາວຂອງຄະນະສຶກສາສາດ.
ສັງລວມ ແລະ ຄຸ້ມຄອງ ງົບປະມານລາຍຮັບ-ລາຍຈ່າຍ ປະຈໍາປີ, ງົບປະມານວິຊາການ ແລະ ງົບປະມາທີ່ໄດ້ຮັບອະນຸມັດຈາກລັດຖະບານ.
ຜັນຂະຫຍາຍມະຕິກອງປະຊຸມໃຫ່ຍຂອງພັກ, ແຜນພັດທະນາເສດຖະກິດສັງຄົມແຫ່ງຊາດ, ແຜນພັດທະນາການສຶກສາແຫ່ງຊາດໃຫ້ເປັນແຜນຍຸດທະສາດຂອງຄະນະສຶກສາສາດ ໃນແຕ່ລະໄລຍະ.
ຊີ້ນຳນຳພາ, ຕິດຕາມ, ກວດກາ ແລະ ລົງຊຸກຍູ້ ວຽກງານການບັນຊີ, ວຽກການເງິນ ໃຫ້ກັບໂຮງຮຽນມັດທະຍົມສົມບູນສາທິດ, ໂຮງຮຽນປະຖົມສົມບູນສາທິດ ແລະ ໂຮງຮຽນອະນຸບານຝຶກສອນດົງໂດກ.
ຈັດຕັ້ງປະຕິບັດແຜນງົບປະມານລາຍຮັບ-ລາຍຈ່າຍ ປະຈຳປີ, ຄຸ້ມຄອງຊັບສິນຂອງລັດ, ການປະມູນຈັດຊື້-ຈັດຈ້າງ ໃຫ້ຖືກຕາມກົດໝາຍ, ດຳລັດ, ຂໍ້ກຳນົດ, ມະຕິຄຳສັ່ງ, ລະບຽບການ, ແຈ້ງການຕ່າງໆຂອງມະຫາວິທະຍາໄລແຫ່ງຊາດ ແລະ ຂອງກະຊວງການເງິນ.
ຄົ້ນຄວ້າສ້າງລະບຽບວຽກງານການເງິນພາຍໃນຄະນະສຶກສາສາດ ກ່ຽວກັບນະໂຍບາຍງົບປະມານ,ການຄຸ້ມຄອງການເງິນ ແລະ ຊັບສິນ, ການບັນຊີ, ກວດກາການເງິນ ແລະ ຊັບສິນ, ການກໍ່ສ້າງສ້ອມແປງດ້ວຍທຶນຂອງລັດ ແລະ ເງິນລາຍຮັບວິຊາການຂອງຄະນະສຶກສາສາດ.
ສະຫຼຸບລາຍງານການເງິນເປັນແຕ່ລະເດືອນ, ງວດ, 6 ເດືອນ ແລະ ສະຫຼຸບປະຈຳປີ (ສະຫຼຸບ 0 ໂມງ) ໃຫ້ທັນຕາມກຳນົດເວລາ.
ແນະນຳການຈັດຕັ້ງປະຕິບັດວຽກງານການເງິນໃຫ້ຖືກຕ້ອງ ແລະ ສອບຄ່ອງຕາມລະບຽບການເງິນ.
ຄຸ້ມຄອງງົບປະມານທີ່ກ່ຽວຂ້ອງກັບອາຄານສະຖານທີ່, ອຸປະກອນ, ພາຫະນະຂົນສົ່ງ, ການແບ່ງປັນ ແຈກຢາຍວັດຖຸອຸປະກອນ, ຂຶ້ນທະບຽນຊັບສິນ, ບຳລຸງຮັກສາ ແລະ ນຳໃຊ້.
ຕິດຕາມການເກັບຄ່າລົງທະບຽນ, ຄ່າຮຽນຂອງນັກສຶກສາປະລິນຍາຕີ ແລະ ປະລິນຍາໂທ, ປະລິນຍາເອກ, ຫຼັກສູດເຝິກອົບຮົມ, ໂຄງການ, ກອງທຶນ ແລະ ແຫຼ່ງລາຍຮັບອື່ນໆ.
ປະສານສົມທົບກັບຫ້ອງການແຜນການການເງິນ ມະຫາວິທະຍາໄລແຫ່ງຊາດ, ອົງການປະກັນສັງຄົມແຫ່ງຊາດ, ກະຊວງການເງິນ, ທະນາຄານການຄ້າຕ່າງປະເທດ ແລະ ພາກສ່ວນອື່ນທີ່ພົວພັນກັບວຽກຂອງພະແນກການເງິນ-ຊັບສິນ.